Göz merdümi benünden alur renk iki gözüm


(https://i.ibb.co/fn2j0mp/Asik-Celebi-Siirleri-100x100-jpg.webp) (https://imgbb.com/)

Göz merdümi benünden alur renk iki gözüm
Meşhûrdur üzüme göre kararur üzüm

İtdüm yolunda karşı ruhum basmadun kadem
İller içinde yirlere düşdi benüm yüzüm

Cild ide hâfız ana revâk-ı revânını
Vasf-ı lebünde ger ura şîrâze her çözüm

Ortada güm dinilse miyânı belî dirüm
Yokdur dehân-ı yâre gelicek benüm sözüm

Görse ten-i hilâlüm ider 'av'avın füzûn
Barışmadı segünle sitâremde yıldızum

Şöyle tozıtdı hâkümi zülfün hevâsı kim
Bin yıl yelerse bâd-ı sabâ görmeye tozum

'Âşık gibi gubârun ider midi tûtiyâ
Görmedük olsa ehl-i nazar olmasa gözüm